Ang malandi kong boyfriend….

“I remember when you couldn’t wait to love me, used to hate to leave me….

It used to be so natural, to talk about forever. But used-to-bes don’t count anymore, they just lay on the floor till we sweep them away….

And baby I remember all the things you taught me, I learned how to laugh and I learned how to cry. Well, I learned how to love and I learned how to lie. So you think I could learn how to tell you goodbye….”

Haaaaaay. Napakasad ng song na ‘to. Tagos sa puso!

Ang dami ko kasing narereceive na messages tungkol sa love, asking for advice.

Hindi naman ako expert sa love, and hindi ko din alam kung bakit, pero ako ang madalas nilalapitan kahit ng mga kaibigan ko pagdating sa mga ganyang problema.

Kapag humihingi ng advice ang mga kaibigan ko, hindi ko shinu-sugar coat ang mga sasabihin ko. Halimbawa, nag away sila ng boyfriend o asawa nila, kapag yung friend ko ang may mali, papagalitan ko talaga yung friend ko. Hindi ko talaga kakampihan kahit siya ang kaibigan ko pero hindi ko naman siya ilalaglag sa partner niya. Kaya siguro minsan takot silang magsabi sa akin ng mga “problema” nila.

Minsan, mas maganda daw na makinig na lang daw sa mga hinaing, reklamo, at problema nila sa buhay. Pero ang sa akin naman, kung tunay kang kaibigan, hindi ba dapat pangaralan mo kapag mali na? I-guide mo sa tama. Pero kahit ilang beses mo naman silang bigyan ng advice, nasa kanila pa rin naman yung desisyon kung ano ang susundin nila at gagawin nila. Kumbaga, pinaparamdam ko sa kanila na andito lang ako para sa kanila.

Anyway, may nagmessage sa akin na isang follower ko sa Instagram. Sooobrang haba ng kwento nya pero syempre nag enjoy naman ako basahin kasi mahilig din ako magbasa ng mga kwento nyo hehe! May boyfriend daw siya for three years. Live in sila sa isang maliit na apartment at ok naman daw lahat. Kaso nagkaron daw ng problema: biglang nagparamdam yung ex girlfriend ni boyfriend kaya naiba ang ikot ng love story nila.

Alam naman daw niya na nangungumusta minsan si ex girlfriend kay boyfriend. Sinasabi naman ni boyfriend yun sa kanya. Ok lang naman sa kanya kase naging kaibigan naman ni boyfriend si ex girlfriend. Wala namang kaso sa kanya yun at hindi naman siya selosa. Kaso may hindi magandang nangyare sa pamilya ni girlfriend.

Teka. Para hindi mahirap magkwento, pangalanan nalang natin si girlfriend bilang Angela. Hindi niya ito tunay na pangalan. Baka magalit siya sa akin kung sabihin ko yung totoong name nya hahahaha!

Anyway, namatay daw yung tatay ni Angela kaya kinailangan niyang umuwi sa probinsya. Dapat mga two weeks lang daw siya dun, kaso yung two weeks naging two months. Ang dami kase niya daw inayos na problema sa probinsya. Siya lang daw kase ang inaasahan at lahat nakadepende sa kanya.

Bumisita naman daw si boyfriend sa kanya. Tawagin nalang natin siyang Boyfie para mas nakakaasar hahaha! Anyway, mga tatlong araw lang daw nagstay si Boyfie sa probinsya nila Angela kase hindi eto pwedeng mag absent ng matagal sa trabaho niya.

After two months, bumalik na sa Manila si Angela. Normal naman daw lahat nung bumalik siya. Parang walang pinagbago sa samahan nila.

Hanggang sa may natuklasan si Angela sa may labahan.

May nakita siyang maliit na sando na kulay beige. Kinuha niya eto at inamoy. Amoy pabango ng babae. Tinignan niya yung itsura ng sando. Hindi mahilig magsando si Angela at sigurado siyang hindi sa kanya yun kase medyo chubby daw siya, at ang size ng beige na sando…extra small!

Hinintay niyang umuwi si Boyfie. Medyo late daw nakauwi si Boyfie. Hindi nagsalita si Angela. Pinaghainan niya pa ng dinner si Boyfie at pinagmamasdan. Mukha namang daw hindi nakakahalata yung isa.

Hindi na napigilan ni Angela na itanong kung kanino yung beige sando na nasa laundy. Sa kapatid niya daw na babae. Nakitulog daw nung isang araw. Tapos kumain na lang daw ulit si Boyfie at hindi na daw nagsalita.

Feeling ni Angela nagsisinungaling si Boyfie pero hinayaan na lang muna niya. Kase kutob pa lang naman daw at isang beige na sando, hindi pa nahuhuli sa akto.

Hinayaan nya daw kunware si Boyfie pero sa totoo nag imbestiga na siya.

Lagi daw dala ni Boyfie yung phone niya kahit sa banyo! One time, nagtutulug tulugan si Angela, kaya binuksan ni Boyfie young phone niya at nakita daw ni Angela yung code ng phone niya at minemorize daw niya ‘to. Hahaha! Tapos may nabasa siyang sweet messages sa screen, nagreply naman daw ang gago ng “Good night, I miss you too, can’t wait to see you tomorrow! Sorry, di tayo masyadong nagtagal kase nandito na si Angela. Nanggigigil pa man din ako sayo ngayon!”

Gusto daw kunin ni Angela yung phone at itapon sa mukha ni Boyfie at mura murahin. Gustong magwala ni Angela. Gusto niyang gerahin yung kausap ni Boyfie sa phone. Pero wala daw siyang nagawa kundi magtutulug tulugan na lang. Binaba na ni Boyfie yung phone sabay yakap daw kay Angela. Ang saklap no?

Inalam ni Angela kung sino yung katext ni Boyfie habang tulog sya. Since namemorize daw niya yung code sa phone ni Boyfie, nabuksan niya eto. Iba daw yung pangalan na nakasulat! Pangalan ng lalake! Chineck niya daw sa viber contacts yung phone number at nakita daw ni Angela yung photo ng babae.

Ay sus! Si ex girlfriend!

Tawagin nalang natin na Sadako si ex girlfriend hahaha! Demonyita sana pero ang haba masyado.

Di daw talaga maintindihan ni Angela kung bakit. Matagal na silang break. At saka nagloko pa daw itong si Sadako nung sila pa ni Boyfie. At nakailang boyfriends na rin daw tong si Sadako after Boyfie.

Ang landi lang talaga nitong si Sadako. Haaaay.

Kinausap daw ni Angela si Boyfie. Una medyo dinedeny pa daw niya pero nung nakita niyang umiiyak na si Angela, inamin na rin daw niya lahat (o medyo lahat). Sabi ni Boyfie, wala lang daw yun. Pinagtitripan lang daw niya si Sadako. Kumbaga, chini-chicks niya lang daw yun! Normal lang daw yun sa mga lalake.

Gulong gulo daw si Angela. Mahal na mahal niya daw si Boyfie pero tama bang magstay pa siya at tanggapin niya lahat ng mga paliwanag at kasinungalingan ni Boyfie? Hanggang kailan ba daw siya magtitiis? Nag iba na rin daw ang pagsasama nila. Hindi na daw masaya si Angela kase araw araw siyang nasasaktan pero bakit ang hirap daw umalis at iwanan si Boyfie? Tanga ba daw talaga siya o sadyang nagpapakatanga lang? Gusto niyang gumanti at saktan si Boyfie para malaman ni Boyfie kung gaano kasakit yung naramdaman nya. Ano ba daw ba ang gagawin niya?

Nagmamahal,

Angela

Hi Angela!

Ano ba daw kase ang “normal” sa isang relationship? Mahirap din kase magsalita para sa lahat eh.

Alam ko din kase na kapag na in love ka, yun na yun eh. May mga bagay bagay tayong hindi nagagawa dati na handa nating gawin para sa taong pinakamamahal natin. At minsan nagpapakagago at nagpapakatanga tayo para sa kanila.

Ayun din ang feeling ko na normal dati, ang magpakagago at magpakatanga para sa taong mahal ko. Haaaaay.

Mahirap yan kapag may mga nanggugulo sa inyo. Nung bagong boyfriend ko pa lang si Chito, napakaraming “Sadako” sa tabi tabi, haha! Madalas sinisiraan pa nga ako para lang magalit si Chito sa akin. Hindi ko naman pinapansin. Minsan may mga tatawag na lang kay Chito ng mga alanganing oras na alam mo namang nananadya. Hindi ko pa rin pinatulan. Marami akong karanasan sa mga “Sadako”. Minsan naijo-joke ko na lang na sa sobrang bait at pasensyosa ko, eh dapat magtayo na sila ng rebulto ko sa harapan ng bahay ni Chito! Hahaha!

Minsan nga may pumunta pa sa bahay ni Chito tapos nagspray ata ng pabango sa mga unan ni Chito. At napapansin ko din na nauubos yung mga shampoo at moisturizers ko kase yun pala ginagamit ng lola mo, haha! At ang nakakatawa pa niyan, dinisplay niya pa nya yung napakalaki niyang picture na naka frame sa kwarto ni Chito. Hindi ko alam kung matatakot ba ako o matatawa na lang sa kahibangan niya. Hindi ko rin pinatulan.

Dati naman may nag-iwan ng brown lipstick at hikaw na napakahaba, pero walang tatalo dun sa nag-iwan ng sanitary napkin. Alam mo yung nananadya na talaga? Parang gustong sabihin sa akin na, “hoy, andito ako kanina, wag kang magfeeling dyan!”.

Hindi ko talaga pinapatulan yung mga ganung klaseng babae. Hindi kase ako nakikipag away dahil sa lalaki. Marami naman dyan eh. Bakit ako makikipag away dahil lang sa isang lalaki, eh di sayo na lang siya, di ba? Ganun ang attitude ko. Basta ang alam ko, kapag naging girlfriend ako, maswerte yung lalaki kase grabe naman akong magmahal at mag alaga. Dun ako proud sa sarili ko. Hindi ako hassle na girlfriend at hindi ako nagiging problema.

Marami pang mga pambubully na ginawa sa akin nung mga “Sadako” sa paligid namin ni Chito. Pang teleserye yung mga pinag gagawa nila, ay grabe talaga! Ibang level. Ibang klase. Ayaw ko na lang din isa isahin kase tinatamad na akong ikwento yun, haha! Ang mahalaga ay andito pa rin kami ni Chito, masayang nagsasama. Hindi ko alam kung masaya ang mga buhay ng mga mean sa akin dati kase hindi ko rin naman chinecheck ang buhay nila. Masyado akong busy at masaya sa buhay. Pero malamang binabasa nila etong blog ko, HELLO! Hehe!

Anyway, balik tayo kay Angela. Naitanong mo ba kay Boyfie kung saan ka nagkulang? Minsan kase akala natin ok ang lahat pero hindi naman pala. Try mo siyang kausapin nang mahinahon. Dapat kalmado kayong pareho para mabigyan nyo ng solusyon yung mga problema nyo. Mahirap magkaintindihan kapag parehong galit at parehong mapride.

Bawal ang mapride sa relationship kung gusto mong magtagal kayo. Meron at meron talagang magpapakumbaba. Hindi pwedeng dominante kayong pareho. Pero know your value. Hindi ibig sabihn na inalis mo ang iyong pride ay hahayaan mo ng bastusin ka niya. NO. Alam mo dapat yan, matanda ka na.

Kung sinaktan ka ni Boyfie, tama bang gantihan mo rin siya? Nagegets ko yung sakit at galit na nararamdaman mo pero ganun ka bang klaseng tao? Na kapag nasaktan ng iba, gagantihan mo rin para patas na kayo at kalimutan na nagkasakitan? Ganun ba yung gusto mo? Ganun ka ba talaga?

Kung sinaktan ka niya, wag kang gumanti. Baka pwedeng intentional ka nyang sinasaktan o sadyang bobo lang siya at di naiisip na masasaktan ka niya sa mga kalokohan nya. Gantihan mo ng kabutihan. Kung ayaw mo pang umalis sa relationship nyo, pagsilbihan mo siya. Ipakita mo sa kanya kung ano ang mawawala sa kanya kapag magsawa ka na sa pagiging martyr. Wag mong gawing kawawa ang itsura mo. Lumaban ka. Hindi yung susugurin mo yung babae at aawayin mo si lalaki tapos andun ka pa rin sa bahay ni lalaki. Gulo mo di ba? Not unless, trip mo yang mga ganyang klaseng drama. Step up and improve your game.

Ano bang ginawa ko nung ang daming umaaligid sa tabi tabi at naninira. Pinagsilbihan ko si Chito. Minahal ko pa siya lalo. Never ko siyang binigyan ng kahit anong hassle sa buhay. Never akong nagbunganga sa kanya. Never akong nagwala. Never ko siyang inaway. Kahit nasasaktan ako sa kanya dati dahil sa kanyang pambababae at feeling ko hindi niya ako pinagtatanggol sa mga babae na umaaway sa akin, minahal ko pa rin siya. Ginantihan ko siya ng kabutihan. Hindi siya nakarinig ni isang reklamo galing sa akin.

Nung nagtwenty eight ako, narealize ko na tumatanda na ako at hindi eto yung gusto kong relationship. Gusto ko ng normal na buhay. May matinong asawa, mapagmahal na mga anak, simpleng bahay, simpleng buhay. Ayun talaga ang gusto ko. Paano kung mag thirty five na ako tapos ganun pa rin yung lifestyle ni Chito? Tapos dun palang kami magdecide na hindi talaga magwowork eh. Mahirap yun. Kaya nagdecide na ako noon, sinabi ko sa kanya na siguro hindi kami para sa isa’t isa. Hindi ko siya inask na magbago para sa akin. Sinabi ko na lang sa kanya na, nakilala naman kita na ganyan talaga eh. Perfect ka na sana kung di ka lang malandi. Pero syempre, lifestyle mo na yan eh. Kumbaga ikaw na yan talaga. Baka kako may babae na maiintindihan ka pa sa situation mo. At ako naman, merong lalaki para sa akin. Wag na lang ipilit yung hindi naman pwede. Maghiwalay nalang tayo habang mahal pa natin ang isa’t isa, at may respeto pang natitira. Mas maganda kako na maghiwalay kami na ok.

Ang loko, kinagat naman yung break up drama ko di ba? Hahaha! Hindi man lang ako hinabol o sabihan na baka nabibigla ka lang. Ayun, nagmayabang pa sa akin, sabi niya ok daw yun at mamayang gabi ide-date niya daw lahat ng mga girls na nilalandi siya o nilalandi niya, basta naglalandian sila, haha! Hanep di ba? Pero syempre, hindi ako nagpahalata na nasaktan ako dun. Nagsmile lang ako tapos niyakap ko siya.

Gabi na nung umalis siya, habang naiwan ako sa bahay ni Chito. Nagliligpit kase ako ng mga gamit ko para iuwi na lahat. Napakaraming ligpitin! Mga libro palang eh, dalawang balikbayan boxes na agad, kabibigat pa! And besides, hindi naman ako marunong magdrive at naka-off si Mang Din (yung driver ko) nung time na yun. So nagpahinga muna ako at nakinig ng mga heartbreaking songs. May playlist kase akong ganun sa ipod ko, pang emote lang, haha! Tapos biglang tumugtog yung kanta niyang “Halaga”. Sarap ibato ng ipod ko nun! Ang galing di ba? Galing niyang mag advice sa ibang babae samatalang yung girlfriend niya eh ganun ang pinagdadaanan! Hanep di ba?!

Siguro wala pa sa isang oras na nakaka alis si Chito, nagulat nalang ako na may narinig akong pumasok na kotse sa garahe at nagmamadaling umakyat sa second floor kung nasan yung room ni Chito. Pagbukas niya, andun pa rin ako nakahiga pero nakakalat pa rin yung ibang mga gamit kase pagod na nga ako sa kae-empake.

Bigla niya akong niyakap.

Ang lamig lamig ng mga kamay niya. Niyakap niya ako ng mahigpit. Nagsosorry siya sa akin. Sinabi niya sa akin na naiinis daw siya sa sarili niya kung bakit nya nagawa yun sa akin. Ano ba daw ang iniisip niya? Makikipag date siya sa mga girls na tipong tambay ng mga clubs at bars? Oo syempre daw kapag makita siyang kasama yung mga yun na sexy at pinagpapantasyahan ng ibang mga lalake, maiinggit daw sa kanya. Pero yun ba daw talaga ang gusto niya sa buhay? Ganung klase bang mga babae ang gusto niyang pakasalan?

Samantalang may isang babae na simple lang, walang hassle, at mahal na mahal sya na naiwan sa bahay niya na nagiisip na hindi daw sya mahal. Pero sa totoo, yun daw ang mahal na mahal niya at gusto niyang pakasalan. Gago at tanga lang daw siya.

Nakwento niya na habang nagmamadali siyang umuwi na nagpray siya at nangako siya kay God na hinding hindi na niya ako sasaktan. Nagbago siya on his own, hindi dahil sa sinabihan ko siya na magbago para sa akin.

Anyway, kaya kung mapapansin nyo kung gaano ako kamahal ni Chito at kung gaano siya magpasalamat sa akin kase sobra talaga ang pinagdaanan ko sa kanya, tapos ang dami pang gumugulo sa tabi tabi. Grabe din kase ang pasensya ko sa kanya. Mahal ko eh. Mahal na mahal ko talaga. Sa kanya lang ako nagpakagago at nagpakatanga ng ganyan. Na in love si Neri kay Chito. Pati ako nagulat kase patay na patay ako sa kanya kase hindi ako ganun sa mga past relationships ko before. Nagtitira ako sa sarili ko. Wala eh, nakahanap ako ng katapat ko.

Ang gusto ko lang sabihin din, kung hindi ako nagtyaga kay Chito noon, eh di sana di ko mararanasan yung happiness na meron kami ngayon. Kung hindi ako nag take ng risk, di ba? Nagbago siya ng kusa, hinayaan ko lang siyang matuklasan niya sa sarili niya ang lahat lahat. Buti naman nagising ang loko, haha! Pero kung hindi naman kami nagkatuluyan ni Chito, hindi pa rin ako magsisisi sa lahat ng naging desisyon ko kase wala naman akong ginawang masama sa kanya kahit yung mga panahong nasasaktan niya ako.

Kung may ginawa sayo yung tao, kung nasaktan ka niya, wag mo ding saktan, gantihan mo ng kabutihan. Mapapahiya yung taong nanakit sayo. At sa lahat naman ng mga “Sadako” na ma eencounter mo pa, wag mong patulan at pansinin. Tawanan mo lang. Syempre nakakapikon kase di ba, ang lalandi nila? Sarap talagang sampulan! Pero lagi mong iisipin na maraming nakakalat na “Sadako” sa mundo, at nasa boyfriend mo o asawa mo na lang yun kung papatol siya o hinde. Kase may choice siya. Wag ka sa mga “Sadako” magalit kase given na yan sa mundo na meron at merong manggugulo sa relationship nyo. Nasa sa inyo na yan kung paano nyo i-handle.

Basta ang mapapayo ko lang sa inyo, mahalin nyo lang ang mga partners nyo unconditionally. Kung maghanap siya ng iba pero alam mong naibigay mo na lahat, wala sayo ang problema. Kung mahal mo talaga at kaya mong tiisin pa ng hindi sinusumbat sa partner mo ang lahat ng mga sakripisyong ibinigay mo sa kanya, sige mag stay ka, mahalin mo pa ng sobra sobra, malay mo, biglang matauhan di ba? At mabaliktad naman ang mundo, siya naman ang patay na patay sayo. Sarap kaya ng feeling na mahal na mahal ka ng taong pinakamamahal mo.

Pero kung alam mo talaga na wala na talagang pag asa at hindi ka na masaya, alam mo na ang sagot… pag aralan mo na kung paano ka magpapa alam sa kanya. At pag aralan mo na din kung paano mag move on.

Sana nakabigay ako ng konting inspirasyon at pangaral na maganda sayo, Angela at sa lahat ng nakakarelate ng ganitong klaseng sitwasyon.

-NM