May super close na girl ang asawa ko,anong gagawin ko?

Selosa ka ba masyado at hindi ma-control? Yung tipong kahit wala namang ginagawang masama yung boyfriend or asawa mo, lahat na lang ng ginagawa niya ay may malisya sayo. Kaya palagi kayong nag aaway?

Ayan ang natatanggap kong mga messages ngayon. Paano ba daw ma-control yung pagiging selosa nila? Alam naman nila na wala naman daw ginagawa yung boyfriend o asawa nila na masama pero di nila mapigilan yung magduda at magselos sa mga nakakasama o kahit nakakausap lang daw na babae yung partners nila.

Ayun naman pala eh. Alam mo na sayo yung problema. Bakit ka nagke-create ng mga problema na alam mo naman na wala talaga? Kase gusto mo ng drama? Kase insecure ka? Kase hindi mo nararamdaman ba yung pagmamahal niya sayo? O may ginawa siyang kalokohan noon at ang hirap ibalik yung tiwala sa kanya ulit?

Kung ikaw ay si Drama Queen na super lahat na lang ay dapat may meaning, may malisya, may dapat pag awayan. Hay naku, Ate! Sa tingin mo ba ay nararapat ka magkaron ng karelasyon? Ang hirap makasama ang mga taong toxic. Lahat may kadramahan. Tapos dapat ikaw ang pa ang sentro ng lahat? Tapos kapag hindi ka pinansin sa kadramahan mo, drama 2.0 na ang gagawin mo. Haaaaaay. Hirap yan. Maraming taong lalayo sayo dahil sa ugali mong yan.

Try mo kayang pag aralan kung bakit ganyan ka ka-drama. Wag mong sabihin kase sa past mo, naku! Pag nagkamali sa past mo, lesson learned yun. Dapat natuto ka and be thankful ka sa experiences na yun at nagiging lesson sa buhay mo. Wag yun ang gawin mong excuse kung bakit ka ganyan. Padrama effect lang yan. Be positive! Instead na mga mali ang lagi mong nakikita, try mong humanap pa ng magandang nangyare sa experience na yun.

Gawin mong hobby yung maghanap ng positivity sa paligid mo. After a month, makakasanayan mo na yan. In less than two months, mag iiba takbo ng buhay mo. Masaya lang lagi. Lahat ng nakikita mo sa paligid mo maganda at masaya lang lagi. Syempre hindi maiiwasan yung magkakaron ka ng problema sa buhay pero kapag positive kang tao, kahit gaano pa kalaki yung problema mo, makakaya at makakaya mo pa rin kahit mahirap. Dasal  lang lagi. Hindi naman tayo pababayaan ni God.

Kita mo naman ako? Hindi ako gumagawa ng kadramahan sa buhay pero di ako nilulubayan ng ‘drama’ sa life! Hahaha! Pero kahit anong ibato sa akin, lagi kong sinusubukan na maging positibo pa rin sa buhay. MAHIRAP, sobrang hirap gawin yun lalo na kapag feeling mo walang wala ng pag asa. Pero kapag nahihimasmasan na ako sa kalungkutan, mas pinipili kong bilangin yung blessings ko sa buhay. Mas pinipili kong makita yung mga magagandang nangyare sa buhay ko, at mas pinipili kong i-embrace ang mga taong laging andyan para sa akin, ang mga taong nag mamatter sa buhay ko, ang mga mahal ko sa buhay. Pag ganun ang ginagawa ko, medyo gumagaan ang pakiramdam ko at mas nakakahinga ako.

Kung ikaw naman ay  napaka insecure sa buhay. Naiintindihan kita. Kase ako? Dumaan talaga ako sa insecurities noon lalo na nung pumasok ako sa pag aartista. Sobrang lost ako. Saka kitang kita naman na wala akong confidence noong mga panahon na yun tapos lagi pa akong binubully. Pero hindi dapat excuse yung mga mapapait na nangyare sa akin sa paligid ko nun, dapat ginawa ko yun na inspirasyon para mag improve pa ako, hindi ko dapat isisi sa paligid ko kase may choice ako, ang maging loser o mag improve, di ba?

Nag aral ako kung paano pa ako mag iimprove. Nagbasa basa ako ng mga libro for self improvements kahit sumasakit na ulo ko sa kababasa. Hindi ako tumigil na pag aralan kung paano ang dapat at hindi dapat na ikilos sa harapan ng mga tao.

Kailangan mo ring tanggapin ang weaknesses mo. Wag kang maiinis o maaasar kung may magsabi ka na eto yung mali o weakness mo kung alam mo namang totoo. Makinig ka lang at pag aralan mo kung bakit hindi mo maialis yun o mabago.

Aminado akong hindi ako kagandahan at malayong malayo ako sa kaseksihan na yung tipong pagpapantasyahan ako ng mga kalalakihan. Malayong malayo pero tanggap ko. Alam ko naman eh, haha! Pero ang ginagawa ko, dinadaan ko na lang sa ugali at sa talent! Hahaha!

Eh hindi na nga ako kagandahan tapos ang sama pa nang ugali ko, ano yun? Kawawa naman ako, di ba? Kaya mas maganda nang mabait ka sa lahat. Tapos dinadaan ko sa talent, nag aral akong magluto on my own, ngayon ay naaappreciate na ako, hindi lang ng aking asawa kundi ng maraming tao. Kapag may napapanood ako sa tv na naiinspire ako, ni-reresearch ko kung paano gawin yun, ta-try ko kung kaya ko at kung matripan ko, gagawin ko ng hobby. Nagbabasa pa rin ako ng mga libro, yung alam kong makakatulong pa sa pag iimprove ko sa sarili ko.

Never stop learning. Malaking factor din sa mga lalaki ang mga babae na mahilig magbasa. Super turn on sa kanila yun. May kanya kanya tayong  strengths and weaknesses. Tanggapin natin yun. Pero hindi naman huli kung matuto tayo sa mga bagay na bago sa atin.

Inaamin ko OA na ako sa pag iimprove sa sarili ko, pero hindi dahil may kakumpetensya ako kundi para rin sa sarili ko. Mas madagdagan ang confidence ko. Kapag confident ka sa sarili mo, mas mahahalin mo sarili mo at mas mamahalin ka ng partner mo. Kase positive yung energy na binibigay mo sa environment nyo.

Feeling ko nga napakakulang pa ng mga ginagawa ko para sa sarili ko, sa asawa ko, at sa anak ko. Pag sinasabi ko sa asawa ko yun, nawi-weirduhan siya sa akin kase papaano pa daw nagiging kulang eh halos hindi na nga daw ako nagpapahinga. Kung anu ano ang ginagawa ko sa bahay, kung anu ano ang nireresearch ko o binabasa kong libro para lang magkaron pa ng laman ang utak ko. Pero sabi niya sa akin, mas maigi na rin daw na feeling ko ay laging may kulang kaysa sa feel na feel ko na pagod na pagod ako sa kaka asikaso sa bahay at kakabasa ng libro pero busy lang sa phone kaka-social media lang.

Marami ang nagtatanong sa akin kung nagseselos ba daw ako sa mga kaibigang babae ni Chito? Ang lagi kong sagot sa kanila, bakit ako magseselos? Eh mga kaibigan nya yun eh. Bago pa ako pumasok sa buhay ni Chito, mga kaibigan na nya yun. Bakit ko pipigilang makipagkaibigan ang asawa ko sa kanila? Ano ang magagawa ko kung kagaganda at kasesexy ng mga kaibigan nya?

Hindi talaga ako selosa. So far, sa mga kaibigan ko at mga kaibigan niyang mga babae na naging kaibigan ko na rin, wala namang lumalande sa asawa ko. Mararamdaman mo naman yun eh. Kahit matulog pa si Chito sa bahay ng mga best friends nyang babae, panatag ako. Kase may tiwala ako sa asawa ko at may respeto rin ang mga kaibigan niyang mga babae sa akin.

Kung tatanungin nyo ako kung never ko ba naramdaman na may something yung girl sa asawa ko, sa ibang mga kakilala ni Chito na babae, meron! Haha! Hindi pa rin kase maiwasan ng iba na magpacute kay Chito kahit may asawa’t anak na siya. Super nabawasan na nga eh. Naku nung mag girlfriend/boyfriend palang kami, yung uso pa ang “BBM Messenger”, ang daming mga babae ang nagpapadala ng mga photos kay Chito, effort talaga, haha! At panay tawag pa ng mga yun. Pero di ko pinapansin yun. Mild pa nga yun eh. Basahin nyo yung blog ko dati na “SADAKO”, mas malala pa mga ginagawa ng iba. Super feeling!

Pero yung mga best friends ni Chito, never ako nakaramdam ng iba. Kapag magkakasama kase sila para lang silang mga bata. Mahal nila ang isa’t isa at ayun naman dapat ang irespeto ko.

As long as may trust at respeto kayo sa isa’t isa, wala namang problema. Hayaan mo lang makihalubilo ang asawa o boyfriend mo sa mga girls, meron at meron talagang aaligid sa kanila. dapat kiligin ka pa nga kase aside from you, may nakaka appreciate pa sa mahal mo. Kung magpacute man yung babae at humantong sa kalandian… as long as hindi ineentertain ng partner mo, ok lang! Ang haba ng hair mo, girl! Kase sa dinami raming babaeng nagpapacute sa kanya, ikaw ang mahal niya. Yun lagi ang isipin mo. Kapag nagloko na si mister o boyfriend, ibang usapan na yun. Sa ibang blog na lang tayo mag usap, haha!

Alam nyo minsan nga mas maganda rin kapag may “SADAKO” sa tabi tabi, basta mild Sadako lang ha! Hahaha! Kase minsan machachallenge ka rin in a way. Syempre kapag nalaman mo kung sino yung habol ng habol sa mister mo/boyfriend mo, hindi mo maiiwasan na pag aralan yung personality nung girl. Aminin na natin, kahit sabihn natin na wala tayong pakialam sa babae, aalamin mo rin kung sino at ano siyang klaseng tao. Dapat may checklist ka sa isip lang. Ganito ang iniisip ko lagi:

Maganda ba? Sexy ba? Palengkera ba? Paano ba siya magsalita? Malakas ba? Mahinhin ba? Maganda ba skin? Maganda ba paa? May utak ba? May laman ba utak? Magaling ba magluto? Masinop ba sa bahay? Malinis ba magdamit? Mukha bang marunong mag alaga?

Mga ganyan ang iniisip ko,haha! Yung maganda o sexy, usually given na yan. Minsan nga sexy lang, haha! Nagkakatalo na lang yan kung paano magsalita, laman ng utak, marunong magluto at kung mukhang marunong mag alaga. Kaya ako, alam ko na di ako kagandahan at lalo na hinding hindi sexy, grabe ko naman alagaan mister ko, haha! Aba syempre, gumaganda na rin ako kase maalaga ako sa mister at sa bahay, at ngayon sa anak namin. Hinding hindi talaga ako pagpapalit ng asawa ko. Pinagsisigawan pa nga niya sa buong mundo kung gaano niya ako kamahal eh. Kung magloko man siya ngayon, kawalan niya. Kase ang pag aalaga ko sa kanya yung tipong “ang swerte swerte mo kase alagang alaga ka sa akin at wala ka ng mahahanap na katulad ko”. Yun ang lagi kong iniisip at ginagawa, effective naman.

Kaya relax lang tayo mga girls! Kung sa tingin nyo ang hirap “ispelengin” ang mga lalaki, naku, nagkakamali kayo. Ang dali dali lang basahin ng mga lalaki! Mas powerful tayong mga babae, yan ang lagi nyong tatandaan. Madali lang mapa-amo ang mga mahal natin sa buhay, yun ay alagaan sila ng tama, mahalin sila ng tama. Kapag ganyan ang ginagawa mo, kahit hindi kayo magkasama, kahit mga babae pa mga kausap ng asawa o boyfriend mo, ang bukambibig niya lagi ay ikaw. Kung gaano siya kaswerte at nananalangin na sana ay hindi mauntog ang ulo mo, haha!

-NM

Advertisements

54 thoughts on “May super close na girl ang asawa ko,anong gagawin ko?

  1. Luann sacdal says:

    Hello neri super na inspired ako sa kwento mo ung felling ko na nka down nko pero nung nabasa ko to para bang gsto ko pa din lumaban at ibahin ang ugali ko na wg isipan ang aswa ko na iba at hayaan ko lng siya dhl kung mahal tlga nya ko ako pa din ang mukang bibig nya sa lahat ☺️

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s