Gusto ko na ring magka-baby!

Ang dami kong nababasa na mga comments at direct messages nyo sa akin, asking kung paano ba makabuo agad ng baby. Yung iba, katulad ko rin na d&c before.

Ang unang tanong muna dyan ay kung may asawa ka ba? Kase mahirap kapag wala di ba? Haha! Meron din naman yung IVF kung tawagin, in vitro fertilization. Sa mga hirap talagang magka baby o gusto lang magkababy pero ayaw mag asawa, ayan ang sinasuggest ng mga ob gynecologists.

Before akong mag asawa, nagpapacheck up ako sa ob gyne ko. Kailangan kase na regular ang check up mo, twice a year lang naman yun. It’s a must para sa ating mga babae, may asawa man o wala, kailangan magpacheck up.

Kinasal ako noong December 2014. Hindi naman kami nagmamadaling magkababy agad nun saka may work kaming dalawa. Ang asawa ko, super busy sa Parokya, ako naman, may teleserye ako nun. March 2015 pumunta kami ng asawa ko  sa US, actually sumama ako sa Parokya tour. More than a month kami dun. Nung bumalik kami sa Pilipinas, dun na kami nagdecide na magbaby na at wala na rin naman akong work nun.

Sinamahan ako ng asawa ko sa ob gyne ko para magpacheck up ulit. Nagpatransvaginal Ultrasound ako, binilang mga eggs ko at chineck ovaries ko. So far very good naman daw ovaries ko, haha! Niresetahan lang ako ng ob gyne ko ng folic acid and vitamin c. Tapos may sinabi siyang method sa aming mag asawa. After ng first day ng menstruation ko daw, yung ika 8th day, dapat mag ‘deposit’ na kami, alam nyo naman na siguro yun, haha! Then sa 9th day, pahinga lang. Sa ika 10th day, deposit ulit. Basta interval lang at once a day lang gagawin para mas makapuno ng sperm ang husband mo. At kailangan na well rested kayo. Hindi dapat puyat, hindi dapat stressed, as much as possible sa bahay lang kayo. Buti na lang may 5 day vacation si Chito nun, eksakto nung ovulating period ko. Pero continuous yung pag take ng folic acid at vitamin c.

April 2015, buntis na ako!

Unfortunately, we lost our baby nung June 2015. Na d&c ako nung July 2015. 😦

And now, I am pregnant ulit! Same method lang din ginawa namin. After a few weeks, pregnant na ako ulit!

Hindi ko alam kung paano sa mga cases ng ibang mga babae. Kase iba iba talaga tayo eh. Pero try nyo magpacheck up kasama ng asawa nyo. Maganda kase kapag kasama talaga sila lalo na yung nakaranas ng d&c. Alam ko ang pakiramdam.

Nung nabuntis ulit ako, kahit alam ko nang pregnant ako, ayaw ko pa magpacheck up kase natatakot ako. Laging sinasabi ng asawa ko na magpacheck up na nga kami, sinasabi ko lang na saka na kapag two months na or three months, kase ganun naman yung iba. Pero kinausap ako ng asawa ko, sinabi niya na alam ko na natatakot kang bumalik sa doctor at magpacheck up pero wag kang mag alala kase sasamahan kita. Ngumiti lang ako pero pinanindigan ko na saka na lang .

Pero dumating yung isang araw na no choice ako kase super sumakit yung tummy ko as in namimilipit siya sa sakit tapos nagsusuka na ako kahit nakahiga lang at parang lalagnatin ako. Kaya kailangan naming tumakbo sa ospital.

Nasa Ultrasound Room na ako kase need nga i-check at since di pa rin naman ako nagpapatransvaginal ultrasound sa pangalawang pagbubuntis ko. Bago niya ipasok yung transducer, nanginginig talaga yung buong hita, binti, tuhod, at paa ko. Nagulat pa sa akin yung ob gyne ko kase nanginginig talaga ako. Tapos umiiyak na ako. Natatakot kase talaga ako. Kaya tinawag agad asawa ko para hawakan mga kamay ko kase umiiyak na ako. Nasabi ko na lang sa asawa ko, “Daddy, I am so scared.”

Kase nga naalala ko yung last time na nagpaultrasound ako, I was so happy nun, ang daldal ko pa nun tapos biglang nag iba itsura nung nag uultrasound sa akin, alam ko na may mali na. Kaya takot na takot ako kase paano kung mangyari ulit yun? Hindi ko na kakayanin yun. Mamamatay ako.

Hinawakan ng asawa ko ang kamay ko, tapos sabi nya don’t worry, andito lang ako. Huminga ako ng malalim. Kahit takot na takot ako, alam ko naman na di kami pababayaan ni God at lalong lalo na hindi ako pababayaan ng asawa ko.

The baby is fine. Nakahinga ako ng mabuti. I asked for my baby’s heartbeat kung ok ba lahat. Normal daw lahat even ang laki niya sa loob. Kaya lang daw sumasakit tummy ko kase may hyperacidity daw ako at nagkaron pa ng acid reflux. Never naman akong nagka ganun, ngayon lang. Normal naman daw yun sa mga nagbubuntis. So niresetahan ako ng gamot. Medyo umayos naman pakiramdam ko after. Minsan bumabalik balik pero hindi na ganun kagrabe kase alam ko na what to do. Mga bawal sa akin super layo talaga ako.

Sa mga nakakarelate sa akin, ok lang matakot kase mahirap at masakit talaga ang napagdaanan natin. Pero kung di naman natin susubukan ulit, paano natin malalaman di ba? Malay nyo kapareho nyo pala ako na madali lang mabuntis, kailangan lang talaga ng pahinga. Or baka naman may problema sa eggs nyo, minsan kase kulang ang napoproduce na eggs. Kaya mas maigi nang magpacheck up para makita at matama agad. Kung wala namang problema sa inyong mag asawa. FAITH lang. DASAL palagi. Ibibigay din ni God yan sa tamang panahon. Wag kayong magpakastress kapag wala pang binibigay na baby si God. Kase mas lalong matatagalan yan. Bawal mastress ang mga babae, haha!

Sana nakatulong ako sa inyo kahit papaano. Eto lang talaga ang mashe-share ko regarding sa pagconceive, ang experience ko.

Thanks for reading!

NM